Elefen
Amarina · Arabi · Aragones · Asturian · Atxenes · Balear · Banlam · Berber · Betaui · Burman · Cabie · Calagadi · Canuri · Caracalpac · Catalan · Concani · Corean · Creol aitian · Creol jamaican · Dagbani · Dansce · Deutx · Dunianto · Dusun · Ekumenski · Elinica antica · Engles · Espaniol · Esperanto · Estremaduran · Euscara · Fante · Franco este · Franses · Fula · Galego · Glosa · Guarani · Guosa · Hausa · Hindi · Ido · Ijunta · Ilocano · Idiom Neutral · Indonesian · Interlingua · Italian · Ivri · Japanes · Jitasama · Latina · Macedonsce · Macua · Malagasi · Malti · Maputxe · Meitei (antica) · Meitei · Mini · Mirandes · More · Mundeze · Nederlandes · Nepali · Norsce · Oria · Oromo · Ositan · Papiamento · Picard · Polsce · Portuges · Quenya · Romani · Rusce · Sambahsa · Sanscrito · Sarda · Scotes · Sinala · Sisilian · Suati · Suomi · Svensce · Tai · Tigrinia · Tok Pisin · Tui · Txeua · Txinucuaua · Tumbuka · Ucrainsce · Uolaita · Uvea · Valencian · Volapuk · Xilha

Introdui detaliosa en elefen

Elefen (o “Lingua Franca Nova”, cortida a “lfn”) es un lingua aidante internasional creada par Dr C. George Boeree e perfetida par multe suportores de la lingua. La vocabulo de elefen es fundida en franses, italian, portuges, espaniol e catalan. La gramatica es multe reduida e simil a la creoles romanica. La lingua es fonetical speleda, con 22 leteras de la alfabeta latina.

La prinsipes gidante:

Istoria e comunia

Boeree ia comensa labora a elefen en 1965, con la gol de crea un lingua simple. El ia es inspirada par leje sur Lingua Franca, un pijin usada en la mar Mediteranean en sentenios pasada.

Spele e pronunsia

Vocales en elefen (a, e, i, o, u) es pronunsiada como en espaniol. Car elefen ave sola sinco vocales, varias de pronunsia no causa comun problemes. En la Alfabeta Fonetical Internasional:

frontal dorsal
cluida i u
media e o
abrida a

La diftongos es ai [ai], au [au], eu [eu], oi [oi].

La plu de la consonantes es pronunsiada como en engles, franses, deutx, espaniol, etc, con alga esetas:

En AFI:

bilabial labio-dental dental/alveolal pos-alveolal palatal velal glotal
esplodente p b t d k g
fricante f v s z ʃ ʒ h
nasal m n ŋ¹
vibrante r
prosiminte w² l j³
  1. La pronunsia [ŋ] es usada per la letera n ante c o g, e ance per -ng a la fini de un parola.
  2. La letera u es pronunsiada como [w] entre du vocales o ante un vocal a la comensa de un parola. cu e gu ante un vocal ave la pronunsias [kw] e [gw].
  3. La letera i es pronunsiada como [j] entre du vocales o ante un vocal a la comensa de un parola. li e ni entre du vocales pote es pronunsiada como [lj] e [nj] si on desira.

On pote usa la leteras k, q, w e y en nomes propre de otra linguas. Los ave la pronunsias [k], [k], [u] o [w], e [i] o [j], en esta ordina. On no ave leteras con sinietas.

La pronunsia de elefen es flexable, si on trova ce un parte de lo es difisil. Per esemplo, on pote pronunsia e como [ei] o [ɛ], e o como [ou] o [ɔ], si on nesesa; on pote omete h si lo es difisil; on pote pronunsia j e x como [dʒ] e [tʃ]; on pote pronunsia scrive como “escrive” e strada como “estrada”; e on pote cade la consonante prima en parolas como psicolojia o pterodatilo.

An si la asentua de silabas no ave un rol multe importante en elefen, alga normas esiste:

En la plu de casos, la asentua es a la vocal ante la consonante final:

Si on no ave un vocal ante la consonante final, la asentua es a la vocal prima:

En parolas cual fini con vocales duple (esetante ia, ie, io, ua, ue e uo), la asentua es a la prima de la du vocales:

Entre du otra vocales, i e u es vera consonantes, e la asentua es locada con esta en mente:

La plural con -s o -es no altera la asentua orijinal de la parola:

A su es la alfabeta elefen con la nomes de sua leteras:

a b c d e f g h i j l m n o p r s t u v x z
a be ce de e ef ge hax i je el em en o pe er es te u ve ex ze

Gramatica

Vista jeneral

Elefen segue la ordina de parolas SVO (sujeto-verbo-ojeto). Parolas, formulas e proposas alterante segue jeneral lo cual los altera.

Nomes es usual presededa par articles (la, un) o otra determinantes. Esetante la plural (-s o -es), nomes no varia. La rol de un nom en un frase es determinada par la ordina de parolas e par preposadas.

La pronomes personal es nonvariante: me, tu, el; nos, vos, los. La pronomes refletante es la mesma, estra la person tre (singular e plural), cual usa se. La determinantes de posese es mea, tua, sua, nosa e vosa.

Verbos no varia. La tempo e la moda es indicada par paroletas presedente: ia per la pasada, va per la futur, e ta (elejable) per la moda ipotesal. La partisipio ativa fini con -nte e la partisipio pasiva fini con -da. On pote usa estas con es per crea la aspeta continuante e la vose pasiva, en esta ordina. La infinitiva ave la mesma forma como la verbo simple.

Ajetivos no varia, e averbos no es distinguida de ajetivos. Espresas de compara es formida con plu o min, e espresas superlativa es formida con la plu o la min.

Ordina de parolas

Frases en elefen ave un ordina restrinjeda de parolas. La ordina jeneral es:

formula nomin de sujeto – formula verbin – (formula nomin de ojeto)

Un formula nomin ave esta ordina:

(determinantes) – nom – (ajetivos)

Un formula verbin ave esta ordina:

(preverbales) – verbo – (verbo) – (averbos)

Un formula de preposada segue jeneral la parolas cual el altera, e ave esta ordina:

preposada – formula nomin

Nomes

La roles de nomes en un frase es indicada par preposadas e la ordina de parolas. On no ave casos gramatical.

La plural de nomes es creada par ajunta -s a nomes cual fini con vocales, o -es a nomes cual fini con consonantes. Esta no cambia la asentua:

La seso de nomes no es normal indicada. Si nesesada, nomes pote es segueda par mas o fema:

Un cuantia peti de roles tradisional ave un forma fema en -esa. Per esemplo:

Un cuantia peti de parolas per membros de un familia ave un forma mas en -o e un forma fema en -a:

E un cuantia multe peti ave du formas diferente:

La aposa de un nom con un otra es, per la plu, limitada a nomes e titulos:

Determinantes

Determinantes en elefen presede la nom cual los altera. On ave du articles: la e un. On no ave un forma nondefinida per nomes plural o noncontable, ma on pote usa alga si desirada:

Elefen ave du “predeterminantes”, cual presede tota otras:

Lo ave du determinantes de mostra:

Lo ave du determinantes de demanda:

E lo ave sinco determinantes de eleje o esclui:

Elefen ave sinco determinantes de posese. Sua es usada per la person tre, singular e plural:

singular plural
person 1 mea nosa
person 2 tua vosa
person 3 sua

Elefen ave esta paroletas de cuantia:

On usa ance numeros per indica cuantias:

E on ave cuatro paroletas de similia e difere:

La determinantes ave un ordina cuando on usa plu ca un de los:

Per esemplo:

Final, on pote pone la ajetivos bon e mal ante la nom, ma pos tota determinantes.

Pronomes

Pronomes en elefen no varia:

singular plural
person 1 me nos
person 2 tu vos
person 3 el, lo los

El refere a persones e animales major. On pote estende metafor sua usa a otra animales, robotes, tempestas, la luna, etc. Lo refere a cosas, animales peti, plantas, ideas, etc. Los es usada per la plural de ambos.

Elefen no ave distinguis de seso per el o los. Si nesesada, on pote usa parolas como la fem, la om, la xica, o la xico, la fema, la mas, etc. En la mesma modo, on pote clari cual person on intende con parolas como la vea, la joven, la grande, la peti, etc, o par usa sua nomes propre.

Elefen no ave un contrasta entre formas cortes e noncortes de la person du: tu es sempre usada per la singular, vos es sempre usada per la plural.

Elefen ave un pronom nondefinida per persones, on, cual es usada como man en deutx o on en franses:

La pronomes refletante es la mesma como la pronomes personal, estra ce se es usada per tota persones tre:

Otra pronomes

On pote usa determinantes como pronomes si no confusa resulta:

Alga otra pronomes e espresas pronomin es derivada de determinantes:

Verbos

Elefen no ave conjugas de verbos, e la forma no varia per indica persones, pluralia, tempo, moda, aspeta, etc. La tempo e moda es indicada par parolas nomida “preverbales”:

preverbal
presente —
pasada ia
futur va
ipotesal ta

La tempo presente usa la verbo simple. Lo es ance usada per indica atas e states abitual, fatos de natur, e como un “tempo istorial” en naras cual es ja clar en la pasada:

La tempo pasada es indicada par la paroleta ia:

La tempo futur es indicada par la paroleta va:

Elefen ave ance un paroleta elejable, ta, cual indica nonrealia e pote es usada do otra linguas ta usa un moda dependente (ipotesal) o sujuntiva:

Per indica la dependente pasada, cuando no otra indica de la pasada es evidente, on pote usa ia ta:

Ta es ance usada en la espresa ta ce, cual espresa un desira de la parlor:

Alga averbos, verbos presedente, e preposadas ajunta esatia a la tempos. Per esemplo:

La averbo ja pote es usada per espresa lo cual en otra linguas es la aspeta perfeta:

On ave ance du espresas idiomal:

La nega es indicada par ajunta no ante la paroleta de tempo o (en la tempo presente) la verbo. Un nega plu forte es indicada par la averbo nunca pos la verbo:

On prefere no usa negas duple.

Sujeto e ojeto

Alga verbos nontransitiva pote es cambiada a verbos causal (e transitiva) par move la sujeto a la loca de la ojeto e ajunta un sujeto nova:

Simil, on pote fa ce verbos transitiva deveni refletante par ajunta me, se, etc:

Comandas es indicada par cade la sujeto (pd. tu o vos):

Verbos cual no ave sujetos clar, como verbos de clima, nesesa un “pronom pupetin”, como lo o on:

Verbos pote es cambiada a ajetivos. La partisipio ativa es formida par ajunta -nte a la verbo; per esemplo, come deveni comente. Ma on usa nunca esta forma como un jerundio (un nom de ata), como en engles e otra linguas.

La partisipio ativa pote segue la verbo es e es usada per espresa lo cual en otra linguas es la aspeta continuante (nonperfetiva), asentuante la idea ce la sujeto es en la media de un ata o prosede:

La partisipio pasiva es formida par ajunta -da a la verbo. Per esemplo, come deveni comeda. Esta debe es nunca confusada con la tempo pasada, como en engles e otra linguas.

Ance la partisipo pasiva pote segue la verbo es, e es usada per espresa la vose pasiva:

On ave ance otra modos per espresa la continuante e la pasiva:

Verbos pote es usada como nomes sin cambia, par ajunta un determinante. Un ojeto pote es indicada par de, e la sujeto par par. Sin la determinante, la parola servi como un infinitiva, e un ojeto pote segue direta:

En elefen, verbos vade frecuente en duples. La prima es un verbo de disposa. Esemplos comun de tal verbos es:

La verbo seguente ave sua forma la plu simple:

Ajetivos

Ajetivos segue la nom cual los altera, con du esetas: bon e mal pote vade ante la nom, car los es frecuente usada. Ajetivos en elefen no acorda con sua nomes, e no ave formas diferente per seso o pluralia.

Per comparas, on usa plu o min … ca. Per indica la superioria e la inferioria, usa la plu e la min:

Egalia es indicada par tan … como:

Como verbos, ajetivos pote es usada como nomes. Per esemplo, bela es un ajetivo, ma un bela es un nom, e un corti per un person bela o simil. Esta opera ance con partisipios. Per esemplo, un person ci studia es un studiante, e la tema de studia es la studiada.

Un ajetivo pote es cambiada a un nom astrata par ajunta -ia. On pote ajunta -ia ance a nomes concreta:

Averbos

Elefen no ave un modo de marca averbos. En loca, on pote usa cualce ajetivo como un averbo par pone lo pos un verbo o a la comensa de la frase. Averbos cual altera ajetivos presede la ajetivo. On ave ance averbos cual no es derivada de ajetivos. La seguentes es esemplos de averbos comun:

Preposadas

On pone un preposada ante un nom o formula nomin. Esta crea un formula de preposada, cual on pone pos la nom alterada o, si on usa lo como un averbo, pos la verbo o a la comensa de la frase. On ave 22 preposadas simple en elefen:

On pote usa ance alga partisipios como preposadas, per esemplo:

On pote usa multe preposadas como averbos, par ajunta a o de ante los:

Esta preposadas duple pote es usada con lunlotra per espresa relatas plu complicada:

Conjuntas

Elefen ave alga juntas simple:

Per esemplo:

Demandas

Elefen ave alga parolas e espresas cual on usa per introdui demandas:

(La plu de estas es ance usada como pronomes e averbos de relata e como sujuntas, discuteda a su.)

Esemplos:

On pote pone la parola de demanda a la comensa de la frase, o en la loca do la responde ta es:

Demandas pote inclui un de esta parolas, o pote es indicada par sola un tono asendente en la parola final de la frase. On pote ance espresa demandas par comensa la frase con la paroleta de demanda esce, o par ajunta si o no a la fini de la frase, pos un virgula. En scrive, demandas direta es sempre segueda par un sinia de demanda (?):

Proposas ajetivin

On ave du pronomes de relata, cual introdui proposas ajetivin:

Proposas ajetivin segue la nom o formula nomin cual los altera:

A veses, la nom ante cual o ci no es indicada. En esta casos, lo es plu bon si on ajunta lo, el, o los ala:

Un pronom de relata pote es introduida par un preposada:

Do e cuando es ance usada per introdui proposas ajetivin:

Proposas averbin

Esta sujuntas introdui proposas averbin:

Un proposa averbin segue normal sua proposa major:

On usa ance alga averbos como sujuntas:

Per esemplo:

Do e cuando pote es introduida par preposadas:

Per esemplo:

Proposas nomin

Ce es usada como un sujunta per introdui un proposa nomin. La plu comun, la proposa segue la verbo como sua ojeto:

Construis alternativa permete asentuas de sinifia diferente:

Esce pote ance es tal usada:

Ci e cual es ance usada per introdui proposas nomin:

On ave ance ses averbos capas de introdui un proposa nomin:

Numeros

On construi numeros plu grande en esta modo:

La numeros cual espresa la ordina de cosas ave la mesma formas, ma los segue la nom:

Per inclui un numero ordinal en un compara, elefen usa construis como estas:

Fratos es construida con -i, per esemplo dui, tri, cuatri …, desi, senti, mili, etc. On pote indica multiples e grupos con -uple, como duple, truple, etc.

Crea de parolas

Elefen ave alga afisas coerente cual aida en la crea de parolas nova.

Sufisas

Tre sufisas comun es -or, -ador e -eria, cual refere a un person, un util e un loca, en esta ordina. On pote ajunta los a nomes, ajetivos o verbos. Per esemplo:

Un sufisa multe usosa es -i. Cuando on ajunta lo a un ajetivo o alga nomes, lo sinifia “deveni (tal)” – o, si on ajunta un ojeto, “causa ce (la ojeto) deveni (tal)”. On usa -i ance con nomes de utiles per crea verbos transitiva cual sinifia “usa la util a/sur (la ojeto)”. Per esemplo:

Du plu sufisas comun es -eta, cual indica un varia peti de un cosa, e -on, cual indica un varia grande. An tal, los no es mera sinonimes per “peti” e “grande”:

Alga sufisas cambia nomes a ajetivos: -al sinifia “pertinente a …”, -in sinifia “simil a …”, e -osa sinifia “plen de …”:

Otra sufisas inclui -able, -isme, e -iste.

Prefisas

Elefen ave ance tre prefisas comun. Non- sinifia “no …”, re- sinifia “denova” o “en la dirije oposante”, e des- indica la reversa de un ata:

Otra prefisas inclui pos-, pre-, supra-, su-, media-, vis-, e auto-.

Parolas composada

On pote ance crea parolas par junta du parolas esistente. La plu de parolas composada es construida con un verbo e sua ojeto:

Simil, on pote ajunta bon e mal a otra parolas:

Normal, on no junta du nomes, ma lia los con de o un otra preposada:

Elefen ave du esetas a esta regula, cuando ambos nomes indica direta la mesma cosa. En un caso, la nom du spesifia plu la nom prima:

En la otra caso, la du nomes es egal, e on combina los con un sinia de junta:

Leteratur

De sua crea, elefen posese leteratur, con testos orijinal e traduida.

Multe testos ia es traduida a esta lingua:

La aventuras de Alisia en la pais de mervelias ia es la libro prima publicida en elefen.

La xerca per Pahoa es la libro orijinal prima publicida en elefen.

La Preambul de la Declara Universal de Diretos Umana

Considerante ce la reconose de la dinia inerente e de la diretos egal e nonalienable de tota membros de la familia umana es la funda de libria, justia, e pas en la mundo,

Considerante ce la iniora e despeta de diretos umana ia causa atas barbar cual ia ofende la consiensa de umanas, e car on ia proclama la ariva de un mundo, en cual umanas va es beneficada par libria en parla e crede e libria de teme e miseria, como la aspira la plu alta de la popla comun,

Considerante ce lo es esensal ce diretos umana debe es protejeda par la regula de leje, afin no person va es obligada a la medio, como recurso ultima, de rebela contra tirania e opresa,

Considerante ce lo es esensal ce on promove la developa de relatas amin entre nasiones,

Considerante ce la poplas de la Nasiones Unida ia reafirma en la Carta se fida a diretos umana fundal, a la dinia e valua de la person umana, e a la diretos egal de omes e femes, e ia deside promove la progresa sosial e la boni de la cualias de vive en libria plu grande,

Considerante ce la Statos Membros ia promete se a reali, en colabora con la Nasiones Unida, la promove de respeta e oserva universal de diretos umana e librias fundal,

Considerante ce un conseta comun de esta diretos e librias es la plu importante per la reali plen de esta promete –

Donce aora la Asembla Jeneral

Proclama esta Declara Universal de Diretos Umana como un norma comun de ateni per tota poplas e tota nasiones, con la intende ce cada inividua e cada organo sosial, constante teninte esta Declara en mente, va atenta promove la respeta de esta diretos e librias par ensenia e instrui, e par medios progresante, nasional e internasional, securi un reconose e aplica universal e produosa de los, no sola entra la poplas de la Statos Membros mesma ma ance entre la poplas de teritorios su se autoria.

Alisia en la pais de mervelias

Alisia comensa deveni multe noiada, sentante a lado de sua sore sur la riva, con no cosa per ocupa se: a un o du veses, el ia regardeta en la libro cual sua sore leje, ma lo conteni no imajes o conversas, “e cual es la valua de un libro,” Alisia pensa, “sin imajes o conversas?”

Donce el es considerante, en sua mente (tan bon como posible, car el senti multe dormosa e stupida par causa de la dia calda), esce la plaser de crea un cadena de margaritas ta compensa per la labora de leva se e colie la margaritas, cuando subita un Coneo Blanca con oios ros pasa corente a sua lado.

No parte de esta es vera multe notable; e Alisia no trova ce lo es vera multe estracomun cuando el oia la Coneo disente a se: “Ai! ai! me va es tro tarda!” (cuando Alisia contempla esta a pos, lo pare a el ce el ia debe mervelia a lo, ma aora, a la momento de aveni, tota pare intera natural); ma, cuando la Coneo prende an un orolojeta de sua pox de jaceta, e regarda lo, e alora continua freta, Alisia salta sur sua pedes, car la pensa vola tra sua mente ce el ia vide ja nunca un coneo con o un pox de jaceta, o un orolojeta prendable de lo, e con curiosia ardente, el core pos lo en traversa de la campo, e ariva a la bon tempo per vide ce lo desapare su la sepe en un tunel grande de coneo.

En la momento seguente, Alisia entra pos lo, no considerante an pico como posible el va sorti denova.

Esta paje es presentada con la lisensa CC Attribution-Share Alike 4.0 International.
Lo ia es automata jenerada de la paje corespondente en la Vici de Elefen a 2026-02-09 16:56 UTC.